Wednesday, April 28, 2010

ആഭാസന്‍ .

ഇന്നലെ വീണ്ടും ഞാന്‍ നിന്നെ സ്വപ്നം കണ്ടു .
നമ്മുടെ ആദ്യരാത്രി .
കട്ടിലില്‍ ഇരിക്കും മുന്‍പ്‌ നീ എന്റെ കാലില്‍ തൊട്ടു നിറുകയില്‍ വച്ചു .
ആഭാസനായ എനിക്ക് അതിനു ശേഷമുള്ള രംഗങ്ങള്‍ കാണാനായിരുന്നു കൊതി .
പക്ഷെ അവിടെ വച്ചു സ്വപ്നം മുറിഞ്ഞു .
നിന്റെ നെഞ്ചിലെ അസൂയയും ,കുശുമ്പും
പിന്നെ വട്ടത്തില്‍ വെട്ടിയ ബ്ലൗസിന്റെ പിന്‍ഭാഗത്ത് ചെണ്ടത്തോല്‍ പോലെ
മുറുകി നില്‍ക്കുന്ന മൃദുലതയില്‍ , നട്ടെല്ലിന്റെ അവസാനത്തെ കശേരുവില്‍ ,
കാല്‍വിരലുകല്‍ക്കിടയിലും , നിന്റെ സപ്ത സുഷിരങ്ങളിലും എനിക്ക് മേഞ്ഞു നടക്കണം .
പെണ്ണെ ..... എന്റെ ചിറകിന്നടിയിലേക്ക് നൂണ്ടു കയറൂ ..
എന്റെ തണലിലേക്ക് ചേര്‍ന്ന് നില്‍ക്കൂ ...
എന്റെ മഴ നനയു ...
ഞാനിപ്പോള്‍ കാമം ഉലയൂതിപ്പഴുപ്പിച്ച്ച ഒരിരുബുവിഗ്രഹം
എന്റെയുള്ളില്‍ നിനക്കായി സംഭരിക്കപ്പെട്ട വിത്തുകള്‍ ചുട്ടുപൊള്ളുന്നു .
അതേ നിനക്കറിയില്ല .
നക്ഷത്രങ്ങളില്‍ നിന്നും കൊളുത്തിയ ആസക്തിയുമായാണ് ഞാന്‍ ജീവിക്കുന്നത് .
കാമത്തിന്റെ ഇടിമിന്നലേറ്റു തീപിടിക്കുന്ന നിമിഷങ്ങളില്‍
ഒരു പിടിയാനയെ പച്ചക്ക് തിന്നാനുള്ള വിശപ്പുമായി
ഞാന്‍ എരിയുന്നു .....
......................................

എന്നാല്‍ ഇതും കൂടി കേള്‍ക്കൂ ..
സ്നേഹത്തിന്റെ നിമിഷങ്ങളില്‍
ഒരു പേടമാനിന്ടെ ഇളം ഹൃദയം മതി
എനിക്ക് വിശപ്പ്‌ മാറാന്‍ ..
ഞാന്‍ ഒരു ആഭാസന്‍ .
എവിടെയാണ് നീ
ഇനിയും വരാന്‍ സമയമായില്ലേ ,....?

No comments:

Post a Comment